Sòlda Endyen ak anpil lòt peyi tankou Etazini, Japon, Chin etsetera ap rive bay koudmen. Yo pote bagay pou ede moun k’ap viv nan lari tèlman yo pè rete anndan ka yo. Manm yon Ekip Alman ki te fè bon travay an Ayiti gentan rive Nepal tou. Yo pral chache sove moun ki kole anba kay ak bildin.
Sòlda Chinwa ki bon pou sove moun ki pran nan traka konsa pran yon vòl pou ale Nepal. Y’ap pote chen ki konn chache moun ki kole anba bildin ki tonbe sou yo. Kathmandu va bezwen anpil èd pou yo rekonstwi tout kay ak bildin ki kraze anba tranblemanntè sa a. Prèt Bouda yo ap priye pou seyism sa a ka kanpe. Toupatou moun ap boule kò viktim yo selon tradisyon yo. Fanmi yo ap kriye.
